ဘုရားကယ်တော်မူပါ

(၁)
 သာဝတ္ထိနိဒါနံ။ ဧကမန္တံ  ဌိတာ ခေါ သာ ဒေဝတာ ဘဂဝန္တံ ဂါထာယ အဇ္ဈဘာသိ –
‘‘အရညေ  ဝိဟရန္တာနံ, သန္တာနံ ဗြဟ္မစာရိနံ;။
ဧကဘတ္တံ ဘုဉ္ဇမာနာနံ, ကေန ဝဏ္ဏော ပသီဒတီ’’တိ။။
‘‘အတီတံ နာနုသောစန္တိ, နပ္ပဇပ္ပန္တိ နာဂတံ။
ပစ္စုပ္ပန္နေန ယာပေန္တိ, တေန ဝဏ္ဏော ပသီဒတိ။
‘‘အနာဂတပ္ပဇပ္ပါယ, အတီတဿာနုသောစနာ။
ဧတေန ဗာလာ သုဿန္တိ, နဠောဝ ဟရိတော လုတော’’တိ။။(သံယုတ်ပါဠိတော်၊ ၁၊ ၅ )

မြတ်စွာဘုရား သာဝတ္ထိမြို့ ဇေတ၀န်ကျောင်းတော်မှာ သီတင်းသုံးစဉ်က နတ်သားတစ်ယောက် လျှောက်ထားခဲ့တယ်၊ ``တောမှာလည်း နေကြတယ်၊ တစ်ထပ်တည်းသာလျှင် ဘုဉ်းပေးကြတယ်၊ ဒါပေမယ့် ရှင်တော်မြတ်ဘုရားရဲ့ အဆုံးအမဗြဟ္မစရိယကို ငြိမ်သက်အေးချမ်းစွာ ကျင့်နေကြတဲ့ တပည့်ရဟန်းတွေဟာ ကိုယ်ရေအဆင်းဟာ ကြည်လင်သန့်ရှင်းလှပါတယ်၊ အဲဒါ ဘာ့ကြောင့်ပါလဲ``တဲ့။ ဒီတော့ မြတ်စွာဘုရားက ``အသင်နတ်သား  ငါဘုရားရဲ့ တပည့်သား ရဟန်းတွေဟာ အတိတ်ကိုလည်း မလွမ်းဆွတ်ကြဘူး၊ အနာဂတ်ကိုလည်း မမျှော်လင့်ကြဘူး၊ ပစ္စုပ္ပန်မှာဘဲ တည့်တည့်ထားပြီး မျှတနေကြတယ်၊ ဒါ့ကြောင့် ကိုယ်ရေအဆင်းဟာ ကြည်လင်သန့်ရှင်းလှပါတယ်`` ``လူမိုက်တွေကတော့ အနာဂတ်မျှော်ကိုးရတာနဲ့ အတိတ်ကိုလွမ်းဆွတ်ရတာနဲ့ ရိတ်ဖြတ်ထားတဲ့ ကျူရိုးအစိမ်းလို ခြောက်ခမ်းနေကြတယ်``လို့ ဘုရားရှင်ကိုယ်တော်မြတ်ကြီးက ဖြေဆိုတော်မူခဲ့တယ်။
မြတ်စွာဘုရား ကယ်တော်မူပါ၊ တပည့်တော်ကား ပစ္စုပ္ပန်တည့်တည့်မှာ မျှတချင်ပေမယ့် အတိတ်ကို လွမ်းဆွတ်ရအုံးမယ်၊ အနာဂတ်ကိုလည်း မျှော်ကိုးရအုံးမယ်၊ တပည့်တော်ကို ခဏတာမျှတော့ လူမိုက်လုပ်ခွင့်ပေးတော်မူပါဘုရား။